المساعد الشخصي الرقمي

مشاهدة نسخة كاملة : غزل همشري

أمارجي
24-06-2005, 07:33 PM
بحبك حب الشباك للبرداية ، بحبك حب الأرنبيط للكوساية
...! بحبك حب الشلمونة للكولاية .. بحبك حب الطشت للكبجاية..!
بحبك حب الزيت النباتي للمقلاية .. بحبك حب الجرابات للصرماية ..!
لك بحبك حب سلاحف النينجا للبيتزاية ...!!!
يا ريت تكوني شخوطة .. وأكون أنا المحاية... يا ريت تكوني بريات .. وأكون أنا البراية... بحب ضحكتك يللي متل صوت المعزاية …بحبك حب المقلمة للشنتاية ....
يا ريت تكوني عوجا وكون أنا العرباية.. يا ريت تكوني طربيزة… وكون أنا كنباية ....
يا مدلوئة حياتي وشعيبيات عمري يا أحلى زبدية محلاية...
بحبك حب الريموت للتلفزيون... بحبك حب بنت أخي الفصعونة لسبيس تون...
بحبك حب أبو السوم للطابة.. بحبك حتى لو كان صوتك متل موتور الدبابة..
اسمعيني شوي لحتى احكيلك الأصة... يا ريت تكوني حنفية مي عم تشرشر ... وأنا بعصّا.. انشالله ما يبلا هلطول ... متل عرئ الفصة... لك يا ريت تكون معي هيكة كمشة بزر وأعطيكي نصا
بحبك حب منير الجبان لكلمة صباح الخير... بحبك حب جهاد سعد لبرنامج خبرني يا طير... لك بتسدئي ؟؟ بحبك حب جورج بوش لتوني بلير...
بحبك حب الزلائط للمعؤوود....بحبك حب بيشو لأبو الفوود... بحبك حب السعادين للقرود...
بحبك اذا كنتي ساكتة أو عم تحاكينا... بحبك حب ابن أخي الفصعون لبوظة كارينا... بحبك حب البردآن .. للكرمنتينا ...!


منقول
ido
25-06-2005, 01:53 AM
تسلم أخ همشري
كنت بسمع هالرسالة كتير ومشتهي أحتفظ فيها عندي على شي ورقة ... وأخيرا قرأتا منك
شاكي الحزن
30-06-2005, 03:03 AM
اللي عجبني اسم همشري من وين جبتيها . شكرا لألك .
أمارجي
30-06-2005, 07:30 AM
شكرا ايدو وشاكي الحزن عالمرور
بس ايدو انا ماني همشرية :cry:
Tidus
30-06-2005, 01:05 PM
شكراً أمارجي حلوة كتير
شاكي الحزن همشري تعني همجي بنفس المعنى وهي كلمة متعارف عليها بسورية


Tidus
شاكي الحزن
30-06-2005, 08:16 PM
اخي تيدوس بعرف شو معناها بس طلعت حلوه من امارجي بس هون بالكويت بنحكيها كتير .