الزواج المختلط

[أمارجي]

شو رأيكم بالزواج المختلط يعني الزواج بين رجل وامرأة من بلدين مختلفين وحضارتين مختلفتين؟؟؟

بالتأكيد هيك زواج فيه صعوبات كبيرة....... من سلبيات هالزواج هو اختلاف الثقافة الشئ اللي ممكن ينعكس على علاقة الزوجين وصعوبة التفاهم بينهم حتى بالأمور الحياتية الصغيرة والشئ الأخطر انه ممكن ينعكس على تربية الأولاد بالمستقبل
ومشكلة تانية هي تحديد اللغة والجنسية اللي رح ينتمي الها الأطفال.... يعني بأغلب الحالات كل من الوالدين بيتمنى أنه أطفاله ينتموا لبلده
وأكيد مشاكل هالنوع من الزواج كتيرة ومن الصعب احصائها بالموضوع هون....

بس اذا بدنا نفكر بوجهة النظر التانية ..... هيك زواج لايخلو من ايجابيات..... ممكن هالشخصين يكونوا بحبوا بعض كتير وبالتالي ممكن يتوصلوا لحل القسم الأكبر من الاختلافات وبالنتيجة ممكن يساهموا بالتقريب من الحضارتين اللي بينتموا الهم وبالتالي ممكن يساهم بحوار الحضارات.....

وبيبقى هالموضوع من المواضيع اللي عم تواجه المجتمعات العربية بشكل كبير لأن كتير من الشباب العرب اللي عم يسافروا خارج البلد للدراسة أو العمل عم يفكروا بالزواج المختلط وأحيانا ماعم يفكروا بالنتائج المترتبة على هيك علاقة

[lolo]

انا على حسب ماني مطلعة فبشوف انو 90 بالمية من الزواج المختلط يؤدي الى الفشل
حتى لو كان الشب و البنت من عايلة وحدة يعني قرايب لكن من حضارة مختلفة يعني كل واحد من بلد فصعب كتييير ينجح الزواج
شكرا" الك امارجي للموضوع القيم

[Firas]

أنا من رأي لولو ..

يعني فعلا صيغة الارتباط والتفاهم بين الزوجين رح تكون كتير صعبة وخاصة اذا كان كل شخص اله مفاهيمه واعتقاداته اللي ما بيقدر يتنازل عنها ..

بس ممكن كتير تنجح بس على حسابهم هنن يعني بدهم يقدموا بعض التنازلات حتى يقدروا يتعايشوا بالشكل الطبيعي لأي أسرتين ..

شكرا امارجي على الموضوع الظريف .. :wink:

[أمارجي]

شكرا كتير فراس ولولو عالمشاركة واعطاء الرأي :)

[Sawsan]

أنا من رأي لولو وفراس كمان..

يعني انا بعرف اكتر من حالة من الزواج المختلط وأغلبهم مافي اتفاق كامل وفي مشاكل دائمة...

وأغلب الأحيان بتلاقي الزوجة الأجنبية مابتقدر تتأقلم مع الجو ببلدنا العربي مع انها ممكن تكون كتير متشجعة بالأول بس لما بتعيش الواقع بتلاقي فروقات كتير وعقبات ماعم تقدر تتجاوزها... والشب الشرقي بيضل شرقي بأفكاره ومبادئه..

[أمارجي]

شكرا كتير سوسن عالمشاركة :)

[Tidus]

صراحة نحن عم نشوف حالات زواج كتير ومن نفس الحضارة وما عم يتفقو بالمرة فأكيد اختلاف الحضارات بدو يكون فيه اختلافات أكتر أنا من رأي فراس ولولو وسوسن
شكراً على الموضوع أمارجي


Tidus

[أمارجي]

شكرا الك تايدوس عالمرور والتعليق

[Ranoush79]

أنا برأيي انو الزواج من اجنبيات هو زواج فاشل لانو الطبيعة والمناخ والعادات والتقاليد كلها فيها اختلاف واهم الشي الدين
قال تعالى(( ولأمة مؤمنة خير من مشركة ولو أعجبتكم )) صدق الله العظيم بعدين شبهون بنات البلد من شو بيشكو

[أمارجي]

شكرا كتير رنوش على اعطاء رأيك :)

[abo_alrood]

أنا رايي متل لولو لانو بيكون الأفكار و النهج و القيم كلها مختلفة
احيانا بسورية بين محافظة و الأخرى منشوف الفرق بين المبادئ

مع فائق احترامي........

[أمارجي]

شكرا ابو الروض على المرور واعطاء رأيك

[* Sara *]

مرحبا
انا برأيي ان 60 % هالزواج ممكن يكون ناجح ، لان انت لما بدك تختاري زوجك اختيار عقلاني رح تكوني سلفا قادرة تحددي مزايا شخصيته وطريقة تفكيره وبهل حالة انت بتكوني قادرة تتفهمي عليه وعارفة انت لوين رايحة وشو الظروف اللي مستنيتك ..... وهذا يعتبر شرط اساسي للنجاح


اما ان نعتبر سبب الفشل هو اختلاف الحضارات ... فأنا ما بأيدكن بشكل كامل لان
فعليا نحن بين مدن الدولة الوحدة فيه اختلاف واحيانا الاختلافات جذرية

وحتى بين الطرفين نفسهن .. كل واحد من بيئة معيشة مختلفة .. واله طريقة تفكيره

فالموضوع مو متعلق بالبلدان وثقافتها بقدر مو متعلق بالطرفين انفسهن

وقدرتهن على التكيف والتأقلم وعلى تحديد النقاط الايجابية والسلبية بالارتباط

ودراسة مدى قدرة كل واحد على التحمل .. سلفا


وشكرا لطرح هالموضوع الحساس

[أمارجي]

مشكورة كتير سارة على ابداء رأيك
:)

[شاكي الحزن]

انا رأي مخالف كتير عن رأيكم بصراح صحيح في اختلاف بالعادات الله سبحانه وتعالى خلقنا قبلائل وحضائر مختلف يعني مهما اختلفت المدن لابد انوا يكون في تبادل مشترك واذا راح تنجح العلاقات لا بد ان يكون المحب بين الجنسين اولا والتفاهم بينهم يكون على رابط وثيق جدا مو شرط ان يكون اللي شافوه اخواني اللي شارك بالموضوع انو يكون صحيح الزواج بين بلدين مختلفتين ان يكون غير ناجحه انا شايف عوائل وعاشت صارله اكثر من ثلاثين سنة ولا اجمل منهم الأب بيكون مصري والأم فلسطينية او الاب فلسطيني والام سورية او الاب اردني والام لبنانية الاب لبناني والأم اردنية او الاب كويتي والام امريكية مثل بعرف ناس هيك وهم اصحابي وبعرف ناس متزوجين من نفس البلدالمنطقة وبنفس الحارة بس ما نجحت العلاقة بينهم مو شرط .

[Sibal]

أنا برأيي بيعتمد عالأشخاص نفسن .. أديه كل واحد عندو قابلية ليستوعب الناس الي مو متل ثقافته ..
يعني يفضل دايما الزواج من نفس الملة ع قولة العوام

[أمارجي]

شكرا كتير سبال وشاكي الحزن على ابداء رأيكم :)

[شاكي الحزن]

وان خلقناكم شعوبا وقبائل لتعارفوا صدق الله العظيم .

[Cardo]

شكراً الك عزيزتي أمارجي على هل الموضوع المفيد

أنا بحفظ متل عن نانتي بيقول

" بنت الشرق لإبن الغرب وبنت الغرب لإبن الشرق "

وطبعاً كانو يقولو هل المتل ويقصدو فيه شرق وغرب المدينة الوحدة

لكني بخالف نانتي بهل الموضوع

وبرأيي انه الشب لازم يتزوج بنت تكون قريبة من الحي اللي سيكن فيه

لأنو العادات والأفكار بتختلف من حي لآخر

وبزيد كمان التفاوت الطبقي كل ما ابتعدو الحيين عن بعضن

أما الزواج من مدينتين مختلفات فبتزيد الفروق أكتر

ومن دولتين مختلفات فبتقل فرص نجاح هل الزواج كتير

لكن الزواج من أجنبية فبرفضه تماماً ...

[أمارجي]

شكرا كاردو عالتعليق واعطاء الرأي :)

[miss-love]

بالعكس ..

انا بحس انه نوع من المغامرة الزواج من حضارتين مختلفتين ...

وبالعكس تعاكس الاراء .. بادي احيانا للتعلق النوعي بين الجنسين ..

تحياتي
سوسو

[فلسطيني]

يسلمو كتير امارجي على طرح الموضوع..

بس انا بعتقد انو الامر عائد للزوجين..يعني لو ما كانو بحبوا بعض ومتفاهمين لما كانو تزوجوا..

يعني العلاقة بتكون ناجحة...فالاكترية انو بتكون ناجحة..

[miss-love]

شفتوا هذا بويكوم

بايدنييييييي


تحياتي

سوسو