قصة تعييني مشرف بالمنتدى مدعمة بالصور ...

[Cardo]

كنت اليوم ميشي وأنا رجعان من شغلي :roll:

واذ شفت شخص ملامحه مي غريبة عني :roll:

طلعت فيو وطلع فيني ووقتا عرفته :wink:

لك هادا صديقي فراس صاحب منتدى الحلم السوري

عرفته من صورته اللي حيطه بالمنتدى

http://cardoo.jeeran.com/Firas0.jpg

سلمت عليه وعرفته عن حالي

وأصر الا يدخلني على بيته

دخلت ورحب فيني أجمل ترحيب

http://cardoo.jeeran.com/Firas1.JPG

وفوراً رحنا لغرفة العمليات

على غرفة الكمبيوتر :lol:

http://cardoo.jeeran.com/Firas4.JPG

وبدي يشرحلي شلون بدير المنتدى

بيحذف المواضيع اللي ما بتعجبو :mrgreen:

وبيطرد الأعضاء اللي ما بيعجبوه :mrgreen:

http://cardoo.jeeran.com/Firas8.JPG

وفرجاني كمان شوية شغلات من تصاميمه

http://cardoo.jeeran.com/Firas2.JPG

وبعد ما شربنا القهوة وتناقشنا بامور المنتدى

وقبل ما أمشي

سلمني وراق تعيني بالمنتدى كمشرف

http://cardoo.jeeran.com/Firas9.JPG

وودعني على أمل نشوف بعض مرة تانية

http://cardoo.jeeran.com/Firas7.JPG

:mrgreen: :mrgreen:

[Firas]

:shock:

لك شو هالقصة كاردو ..

تسلم ايديك .. :oops:

عنجد حسيت عم تابع شي فيلم .. :lol:

بس انتبه على اوراق التعيين منيح .. :wink:

و الطفل اللي بالصورة كتير أمور .. وفعلا حلو .. :wink:

[Sawsan]

اي شو هالصداقة الحميمة!! الله يخليكم لبعض يارب :wink:
هاد انت فراس اي من زمان فرجينا هالوجه الحلو لنعرف مع مين عم نتعامل.. : :oops:
شكرا" cardo :)

[Tidus]

له له له يا فراس وليش أنا ما عطيتني وراق رسمية هيك كمان

يعطيك العافية كاردو حلوة كتير



Tidus

[* Sara *]

سبحان الله اللي خلئوا هالفراس

كتير امور


وبعدين طالما التعيين هيك انا رح اتجول بكرة بشوارع حلب بلك بشوف فراس صدفة


بتستاهل كاردو ... واخذت وراق التعيين بجدارة

مشكور

وناطرينك بفلم جديد

[Sawsan]

Tidus
أنا كمان فراس ماعطاني هيك وراق رسمية.. شو القصة :roll:

[Firas]

Tidus

حبيبي انا بعتلك ياهن بس على مايبدوا انه تأخر الشحن .. بدك تصبر شوي .. :wink:

* Sara *

:oops:

الولد الامور مو هيك :wink:

حرام مابدي عذبك معي .. خايف ما تعرفيني .. :wink:

Sawsan

كمان بعتتهم بالشحن .. بس الهيئة صاير شحني هالايام متل شحن غوار .. :roll:

[Sawsan]

فراس..
الله يسامحك
طيب ضروري تعذب حالك وتبعتهم بالشحن كنا جينا وأخدناهم من عندك أحسن
هلأ بيكونوا ضاعوا منيح هيك... :cry:

[Sibal]

LoooooooooooooooooooL

بتجننننننننننننن

و الولد بياخد العقل ..

هلأ المفروض انو هادا الولد هو فراس ؟ كني ما عندو شحاطة يلبسا باجره ؟؟ LOL

أما انت CARDO الظاهر في عندك مواهب بكتابة السيناريوهات .. شو رأيك تلاقيلك شي مخرج تتعاقدوا سوى و تنمي ابداعاتك؟؟ ;)

[Cardo]

الله يسلمك فراس :wink:

وشكراً عل القهوة :lol:

وعلى وراق التعيين ...

وين أضيعن :?:

بعدين ما بيبقى شي رسمي بين ايدي :lol:

واللي بالصورة أكيد أمور ..... معقول فراس ما يكون أمور :wink:

بعدين اشو هل الشحن :?:

ليكون شحن بحري بطيء :lol:



وشكرا الك Sawsan

وهلق بعد ما تعرفت على فراس وجهاً لوجه

قررنا كل ما نفضى نروح نلعب بجوجحانات السبيل

بس انتبهي Sawsan

لا تشوفيه أمور هيك :wink:

لا قيت انو شخصيته كتير قوية :lol:

وعنده حدة اقناع بآرائه

وضروري يكون عندك وراق رسمية :lol:

بعدين أكيد بعتن فراس بالشحن لتوقعي على استلامن :lol:


والله يعافيك Tidus

بدك تشوفه جمب السبيل وهوة عبيشتري آيس كريم وتقله :lol:



وشكراً عزيزتي Sara عل الثقة

والفلم التاني بيتوقف عل الأوراق اللي بدو يعطيني ياها فراس :wink:

بعدين كل هل الشب الأمور وعبتقولي ولد :lol:


شكراً الك Sibal وبدك تسألي فراس ليش حفيان :lol: :lol:

وبالنسبة للمخرج موجود و هوة أنا ...

لأني مستلما من التأليف حتى التصوير ولإخراج ...

بس مو ناقصني غير المنتج اذا حيبة تشغلي مصراتك :lol:

[lolo]

هلا بدكون تقنعوني انو الي بالصورة مو فراس ؟؟

cardo موضوعك كتير مهضوم تسلم عليه

[Sibal]

أخ cardo

ههههههههه من كتر ما عندي مصاري :)

دوبي ادفع فاتورة الانترنت و الموبايل .. الله يعين

[Cardo]

lolo أكيد هادا فراس :wink:

أنا قابلته ... ما حدا حكالي :lol:

وأخدت الوراق منه :lol:

وشكراً على مرورك اللطيف ....



Sibal معناها ما عاد عندي أمل أحقق أمنياتي بإلإخراج والتصوير و كتابة السناريوهات :cry: :cry:

[Sibal]

CARDO
لأ معلش .. دورلك ع شي واحد زنكيل (غني) و حقق آمالك و أمنياتك ..

دخيلك .. مي معقولة هالمواهب كلا تروح كرمال رأس المال !!

;)

[Cardo]

معناها الي الله ... :(

بستنى لبين ما الله يبعتلي شي واحد زنكيل :roll: