مشاهدة نسخة كاملة : دعوة لزيارة منطقة خان الوزير ...
Cardo
20-05-2006, 04:43 AM
أصدقائي أعضاء منتدى الحلم السوري محبي التعرف على المناطق الأثرية ...
أتشرف بدعوتكم لزيارة خان الوزير – جامع الفستق – المطبخ العجمي- المدرسة البهائية - خان خاير بيك- زاوية أصلان دادا ...
وذلك يوم الجمعة 26/5/2006 الساعة التاسعة صباحاً ...
التجمع أمام خان الوزير ...
امير حلب
20-05-2006, 01:43 PM
مرحبا للجميع ...
شكرا لك عزيزي كاردو ...
والله هالجولات كتير عم تكون مفيدة ...الله يعطيك ألف عافية على هذه المتابعة ..لهذه الجولات ضمن مهرجان حلب عاصمة الثقافة ...
baraa24
20-05-2006, 03:15 PM
شكراً أخ كاردو ... والله يعطيك العافية ....
أتمنى بأن أكون في حلب لأتمكن من حضور الجولة ......
Cardo
20-05-2006, 03:23 PM
الله يعافيك أمير حلب وشكراً الك ...
المميز بهيك جولات انو في أماكن لا يمكن زيارتها الا ضمن مجموعات متل المطبخ العجمي بهل الجولة ...
لأنو بكون مغلق دائماً ...
تحياتي الك ...
حاول baraa24 ما تروحها عليك لأنو فيها أماكن كتيرة مو معروفة ...
الله يعافيك وشكراً الك ...
تحياتي ...
ocean
20-05-2006, 05:58 PM
بس سوال وين هادا خان الوزير اللي بدكم تتجمعوه عنده
مشكور أخي كاردو على دعوتك اللطيفة
وسأكون أول الحاضرين
إن لم يكن لديكم أي مانع.............................................. ............................rimi
Cardo
21-05-2006, 12:48 AM
عزيزي ocean ...
خان الوزير ما في حدا ما بيعرفه لأنه منطقة كاملة بحلب اسما خان الوزير ...
قللو لشوفير التكسي خدني على خان الوزير بوصلك لهنيك ...
شكراً الك عزيزي rimi ...
في عندي مانع ومانع كبير ...
مانع انك تغيب عن الجولة ...
أهلا وسهلا بحضورك ...
تحياتي ...
قطر الندى
21-05-2006, 12:57 AM
مشكوووووور كاردو على الدعوة .
و أنا من وقت ما حصلنا على برنامج الجولات و انا بنتظر موعد هذه الزيارة بالذات.
و رح كون تاني الحاضرين لأنو ريمي سبقني و صار أول الحاضرين .
Cardo
21-05-2006, 01:19 AM
أهلا وسهلا بحضورك قطر الندى ...
فعلاً بدا تكون زيارة ولا أروع من هيك لغناها بالمناطق الغير معروفة ...
rimi لازم تتأخر شوي لأنو Ladys First ...
تحياتي الكن ...
الله يعطيك العافية أخ كاردو على هالجولات المفيدة .
بس للأسف مارح أقدر أجي لأنو مابقي شي للأمتحان وأهلي عاملين علي حظر تجول وخصوصا برات البيت ..!
هلأ إذا قدرت أجيب إثتثناء وقدرت أثبت حسن السلوك من هون للأسبوع القادم إن شاء الله رح كون تالت الحاضرين . 8)
Cardo
21-05-2006, 01:33 AM
الله يعافيك nour ويوفقك بدراستك لتجبلنا علامات نفتخر فيا ...
من جهة أهلك معن حق ومن جهة تانية لازم تغير جو أثناء الدراسة لتجدد نشاطك ...
أثبت حسن سلوكك لتحسن تكون معنا بالجولة :P
بانتظارك ...
تحياتي ...
امير حلب
21-05-2006, 04:46 AM
مرحبا للجميع ...
عزيزي ريمي أرجو منك احضار البطارية الخاصة بي ...
حتى لا أضطر آسف اني آخد بطاريتك وتحط الحق علي بالآخر ...
عزيزي نور الجولة الماضية عنجد زعلنا لعدم حضورك مع باقي الشباب ....وماكان عليك حظر ..
فبتمنى تطالع الفرق بهالجولة ....حاااااااااول ...
ocean
21-05-2006, 05:17 PM
عزيزي ocean ...
لأنه منطقة كاملة بحلب اسما خان الوزير ...
منطقة كاملة بدك اعرف وين التجمع
Cardo
21-05-2006, 08:48 PM
عزيزي ocean ...
بمنطقة خان الوزير في خان اسمه خان الوزير ...
التجمع أمام هذا الخان ...
أهلا وسهلا فيك ...
ahmad
21-05-2006, 11:14 PM
السلام عليكم الله يعطيك العا فية
ان شاء انا اول الحا ضرين :D :) :o :lol: :oops:
تكرم عيونك أخ كاردو
مادام ladys first فرح أتأخر شوي ....أو رح أمر على بنت حارتي وأجيبها ونجي....
أمير حلب ......هالجولة رح تكون حافلة بالمفاجآت ......... بس لازم تحضر حالك منييييييييييح
وأكيد المقلب تبع المرة الماضية ما رح يمشي علي هالمرة
ولو أكلت شي مقلب فأولاد الحلال كتيرين وبيساعدوني .....متل الأخ براء مثلا ً
ولا شو رأيك انت ؟؟؟؟؟؟؟؟؟؟؟....................................... .........................................rimi
كااااااااااااااااااااااااااردوووووووووووو
انا وصلت .............. هلق شوف من ناحية عنا مباراة عنا
بس انا ماعدت أوثق بالاتحاد الرياضي
ولإني مابدي روح عني هيك فرصة بالاجتماع مع أكابر شباب سوريا وأحباب قلبي وأخواني ..
انا بدي إجي ... انتظروني بإذن الله قادم
(( بس على فكرة المباراة عندكم بحلب بين الطليعة والاتحاد ))
يعني انشالله مالح يروح عليي شي
قطر الندى
22-05-2006, 01:55 AM
مشكوررررررررررررررين يا شباب (كاردو , ريمي ) خجلتوني.
أول الحاضرين أو تاني الحاضرين مو فارقة المهم اللمة الحلوة و تحقيق المتعة و الفائدة للجميع .
أخي العزيز و ابن حارتي ريمي لا تغلب حالك انت اول الحاضرين و أنا أول الحاضرات .
شو رأيكم حل بيرضي الجميع.؟؟؟؟؟؟؟؟؟
Cardo
22-05-2006, 02:34 AM
أهلا وسهلا فيك ahmad ...
بس في مين حجز الأول والتاني :P
بأيان عنا التالت اذا بدك :P
تحياتي الك وشكراً ...
Cardo
22-05-2006, 02:46 AM
الله يسلمك rimi وعاراسي الأتكيت :P
بس طالما في مقالب لنتسلح بشي درع قبل ما نجي ...
الله يسترنا ويبعد عننا جوال rimi قولو آمين ... :P
free يا free هلق بلشت تشتغل صح ...
تروك المباريات ليوم المباريات وتاعا خلينا نبسط شوي ...
بقا هيك ؟؟؟ المباراة بحلب !!! معناها محسوبة :P
بدك تضرب عصفورين بحجر واحد ...
بس بظن بتعرف انو الملعب بدو حجز من على بكرا ...
شلون بدك تعمل ؟؟؟
يلا بلا مباراة اليوم ...
100 السلامة وأهلا وسهلا ...
الله يسلمك قطر الندى وما بصير تتخلي عن مركزك الأول لأنيه الك ...
مستنينك يوم الجمعة ...
أهلا وسهلا وتحياتي ...
goldeneyes
22-05-2006, 03:23 AM
ان شاء الله رح كون بالجولة ...بس كمان ما بعرف خان الوزير ..بلكي التكسي ما بيعرف وينه كمان ؟؟
حاولوا تدوروا علي ...يمكن اكون ضايعة :(
ليه ما رح تجي نور ...والله انبسطنا هيديك المرة لانك ما جيت ..قصدي ما انبسطنا لانك ما جيت .. :lol:
حرام عليك هلكت حالك بالدرسة صرت على نصك ..ارحام حالك شوي ..العمر بيخلص و الدراسة ما بتحلص .. :lol:
شكرا ....
امير حلب
22-05-2006, 03:25 AM
مرحبا للجميع ...
عزيزي ريمي ... منيح قلتلي على بكير مشان الحق أغير الخطة ... :twisted:
عزيزي فري مشان المباراة رح تجي .. :cry:
على كلن مو مشكلة انت متل ماقال الأخ كاردو رح تضرب عصفورين بحجر واحد .. :wink:
بالنسبة للمباراة بحب أطمنك ان الفوز للإتحاد مشان ما تنصدم بخسارة الطليعة .. :P
Cardo
22-05-2006, 05:25 AM
ما بدا goldeneyes ...
بتاخدي تكسي لعند الجامع الكبير مكان ما تجمعنا بجولة الجامع ...
بعدين بتطلعي باتجاه القلعة حوالي 100 متر بتلاقي خان الوزير صار على ايدك اليمين وعلى ايدك اليسار مقسم هاتف خان الوزير ...
التجمع هنيك واللي بيصل متأخر شوي يدخل لجوات الخان لأنو هوة أول موقع بالزيارة ...
تحياتي الك ...
baraa24
22-05-2006, 10:21 PM
مرحباً للجميع ...
الظاهر إنو الحرب شغالة ؟؟؟؟ طولوا بالكون عبعض الله يخليكون :lol:
وحاجة مقالب ببعض ... يعني أنا شايف إنو الخاسر الوحيد من النقار والنقير هو بعض الأعضاء ويلي عبتطلع صورون عالمكشوف .... بقا هدوا حالكون شوي وريحونا من شي إسمو تصوير ..
أخي كارو أنا كتير بعتذر منك ومن كل الأعضاء لعدم إمكانية المجيئ للجولة لإلتزامي برحلة إلى صافيتا / منطقة اليازدية / وإنشاء الله غيرا بغيرا .... :wink:
والله يعطيكون العافية ... وبتمنى إلكم جولة ممتعة ... وبدون مقالب ... :lol:
لك شباب نا بتلقو مزح يعني :lol: 8)
انا موقصدي انا بدي إجي على حلب كرمال شوفتكن الحلوة ..........
ولحقانين على الرياضة ...
ومشان اثبتلكم حسن النية انا مالح احضر المباراة :shock: بتصدقوا
شوفي قديش لح ضحي :P مشان تتاكدو إني آي لوف يووو .... وعمرينها المباريات 8)
ولا شو رأيك امير ... :cry: :cry: :P 8)
لك صدقوووووووووووووووووني طالع كرمالكم :cry: لك ليش ماعم تصدقوني :cry: :cry:
(( وكرمال الفول )) :oops: :P 8)
وعراااااااااااااااسي آل سيريان دريم :P
Cardo
23-05-2006, 03:46 AM
انشاله موفق برحلتك baraa24 ولو كنا منتمنى تكون معنا ...
بس متل ما قلت خيرا بغيرا ...
شكراً الك وانشاله بتروح وبترجع بالسلامة ...
شكراً free عل التضحية بالمباراة كرمال المشاركة معنا :oops:
وأكيد نحنة منكون مبسوطين بجيتك أكتر من لما بتكون انته مبسوط بشي مباراة ...
نحنة متأكيدن من حبك النا لأننا منحبك نحنة كمان ... :oops:
وأحلى أكلة فول عند حج عبدو بمناسبة جيتك :P
أهلا وسهلا وتحياتي ...
امير حلب
23-05-2006, 05:55 AM
مرحبا للجميع ...
عزيزي براء موفق برحلتك ...وكنت أتمنى وجودك معنا أو على الأقل وجودي معك ... :cry:
خلص فري كرمالك رح فكر بحضور المباراة ... :twisted:
بس على شرط انت تعزمني .... :wink:
100 السلامة انت غالي كتير فري ... :oops:
baraa24
23-05-2006, 04:04 PM
شكراً لكم ... كاردو ـ أمير حلب .... والله يسلمكون ... وبتمنى لكم جولة ممتعة إنشاء الله ......
والله يا أمير إذا بتروح ميت السلامة وعن جد أنا جاهز لنكون سوا ونشكل أحلى ثنائي ....
والله يا براء أنا كتير زعلت على عدم مجيئك معنا
مين بدو يعطيني بطارية إذا أخد أمير حلب بطارية موبايلي :(:(؟؟؟؟؟
يلا مو مشكلة ..الله يوفقك برحلتك وإنشاء الله بتكون
مبسوط متل مارح نكون نحن أكيد مبسوطين
عزيزي فري ..... المباراة بتلحقا لأنو موعدها الساعة 8.00 مساء بتوقيت الحلم السوري :)
لذلك رح تضرب عصفورين بحجر واحد :) .....شو رأيك بهالخبرية الحلوة.....؟؟؟؟؟.................................r imi
الليبرالي
23-05-2006, 06:36 PM
اخي كاردو لا تعلم كم انا مشتاق لزيارة سوريا واتالم لنني لن استطيع زيارة حلب ومشركتكم كاخوة سوريين هاذة الاماكن ولاكن كنوع من تضامني معكم سازور يوم الجمعة القادم الجولان السوري واذهب لمجدل شمس ومسعدة والبانياس وجبل الشيخ لاتمتع بهاذا الجمال السوري الخلاب .
Cardo
23-05-2006, 06:45 PM
شكراً الك عزيزي الليبرالي عل التضامن ...
وأهلا وسهلا فيك ببلدك التاني سوريا ...
و لما بتجي على سوريا أكيد لازم نشوفك وتشاركنا بزيارتنا وجولاتنا ورحلاتنا ...
أهلا وسهلا فيك وتحياتي الك ....
baraa24
23-05-2006, 07:53 PM
مرحباً للجميع ...
عراسي أخ ريمي على لطفك ... وأنا كمان بتمنى إلكون جولة موفقة ... بس معقولة تكون الخطة نفسا ويسرقولك البطارية ؟؟؟ مو معقولة .. أنا سمعت بأنو في شي أفظع ورح تنصدم فيه وماممكن تكون حيسب حسابو .... مشان هيك خليك حريص جداً ... لأنو في ناس عبتخطط بإجرام تجاهك ... بقا دير بالك ... وهي مشان أخلص زمتي .... :lol:
شكرا ً أخي براء الغالي على التنبيه الحلو ورح أخد كامل الإحتياطات والإجراءات اللازمة
وأول الضشي رح أكتب وصيتي قبل ما أروح عالجولة
ومن ضمن الوصية بأنو تكون بطارية موبايلي فقط لأمير حلب بعد .........وفاتي :)...........................rimi
امير حلب
24-05-2006, 05:33 AM
مرحبا للجميع ...
الله يرزقك ريمي ....خلص انت موت وانت مرتاح ..وحقي لا تخاف عليه بعرف كيف آخدو ...
ولي عليك يا أمير عم تتمنى موتي ؟؟؟؟:(
طيب إذا أنا متت مين رح يعمل فيكم مقالب ونهفات جميلة ....؟؟؟؟
بس قللي ميييييييييييييييين.؟؟؟؟؟؟؟؟
خيو رح أعطيك البطارية وأخلص وأنا على قيد الحياة
مشان ما تتمنى موتي مرة تانية ..........:)...................................... ...........................rimi
Terminator
26-05-2006, 02:18 AM
السلام عليكم
يا جماعة أنا آسف لأنني لا أستطيع الحضور معكم بالجولة الرائعة :(
بسب السفر المفاجىء :(
ان شاء الله تستمتعوا بالجولة الرائعة
بس أمانة لا تنسـوا الصور مشان كون معك ان شاء الله (كأني معكم :wink: )
تحيــــــــــــــــــاتي
له يا أخي العزيز
مشان الله لا تقولها
والله زعلتني :(:(:(:(:(:(:(:(
يلا سيدي ....... الله يوفقك بالسفر وترجع بالسلامة يارب
بس كتير بدنا نلاقيلك فقدة عنجد....................................
وأكيد الصور رح يكونوا جاهزات متل ما عودتك دائما ً...ههههههههههه................................... ........rimi
Cardo
26-05-2006, 03:16 AM
زعلتني هيك Terminator ...
بس انشاله الرحلة ترفيهية ...
على كل تروح وترجع بالسلامة وانشاله منشوفك بجولات قادمة ...
تحياتي ...
امير حلب
26-05-2006, 04:05 AM
مرحبا للجميع ...
له له Terminator ...والله كتير زعلت ...
يعني كل اسبوعين عم نشوف بعض هالساعتين ...فلذالك لما بتخلف حدا عن الحضور كتير بتأثر وبزعل ...
على كل حال موفق بسفرتك ..وترجع بالسلامة يارب ....
mohammad
27-05-2006, 01:47 AM
السلام عليكم
شكراً اخي كاردو على هذه الدعوة الجميلة
ولكن لسوء حظي لا استطيع الحضور وذلك بسبب دخول المشفى واجراء
عملية استئصال غضروف في الركية
اتمنى لكم التوفيق
وشكراً أخوكم ابو عمار
امير حلب
27-05-2006, 02:59 AM
مرحبا للجميع ....
عليك ألف عافية عزيزي mohammad...أتمنى لك الشفاء العاجل ...
ما على قلبك شر حبيبي ...
إن شاء الله سنكسب معرفتك بالجولات القادمة ...
والله هي مو خبرية أبدا ً سيد محمد :(:(
عليك ألف عافية يا غالي
وإنشاء الله نتعرف عليك بالجولات القادمة
دعواتي لك بالشفاء العاجل............................................ ....................................rimi
Cardo
27-05-2006, 05:04 PM
معافى انشاله عزيزي mohammad وانشاله بترجع لبيتك بالسلامة ...
وتتعافى ونشوفك معنا بالجولات القادمة ...
لأنها فعلاً جولات لا تنسى ...
طمنا عنك و تحياتي الك ...
mohammad
30-05-2006, 02:46 AM
السلام عليكم ورحمة الله
شكراً كتير يا جماعة الحقيقة خجلتوني
وأنا الحمد لله عملت العملية وانشاء الله ناجحة باذن الله
شكراً جزيلاً أخي امير حلب وأخي ريمي وأخي كاردو
وانشاء الله سنلتقي أكيد بإذن الله
تحياتي للجميع ابو عمار
Cardo
30-05-2006, 02:50 AM
الحمد لله عل العافية عزيزي mohammad ...
وأنا كتير مبسوط بانو عمليتك ناجحة ...
وبكون مبسوط أكتر لما بشوفك معنا بالجولة ...
نحنا بانتظارك ...
تحياتي الك ...
امير حلب
30-05-2006, 04:20 AM
مرحبا للجميع ...
عليك ألف عافية يارب عزيزي mohammad
الحمد لله على سلامتك ...وإن شاء الله ستتحسن حال ركبتك بالقريب العاجل ونراك معنا الجمعة القادمة بإذن الله ...
mohammad
31-05-2006, 03:05 AM
اشكرك اخي كاردو وانشاء الله سوف نجتمع ونتعرف على هذه الوجوه الطيب
فعلاً اشعر كأني بين اهلة واخواني
سلامي للجميع