قصة ليلى والذئب (النسخة الحلبية)

[Sawsan]

كانت ليلي ماشية بالغابة بنص الليل ورايحة لعند نانتا متل في كل الحكايات! والذئب (المسكين) وقفها لليلى وسألها لوين رايحة ياليلى؟!
وردت عليه ليلى: وانت اش دخلك ولاك بهيم... اش عبتساوي هون بنصاص الليالي...
وليش عبتسألني لوين رايحة؟ ولي عليك شقدك بهيم...
ان شاء الله بتعفسك سيارة بلا نمرة وبلا شوفير يارزيل يامبهدل ياقليل الحيا ماعندك خوات كني... صعي قليل حس ووقح.. تفو عليك
ومسكت ليلى الذئب من ادنو وشلفتو 7 متار وتابعت المسير لعند نانتا! ! :shock:

:lol: :lol: :lol:

[Firas]

:shock:

سوسن ..

الله يكون بعونك من الردود الحلبية .. :)

بس عنجد النسخة كتير حلوة .. واللهجة التقيلة كلها موجودة ..

تسلم ايديك .. :wink:

[Cardo]

أنا بتذكر انو الذئب أكل ليلى :roll:

بس صعي ... :lol:

هي ليلى الحلبية ... :mrgreen:

اللي أكلت الذئب :lol:

شكراً الك Sawsan

قصة حلوة كتير ...

[Sawsan]

شكرا" فراس
يعني ببالك عم تخوفني من الحلبية.. اي انا منهم وفيهم بعدين بعرف انو قلبهم طيب وروحهم مرحة... :oops:

شكرا" كاردو ..
اش كني مابتعرفها لليلى الحلبية... راح نص عمرك والله ياخيو .. بس منيح هي عرفتك عليها قبل ماتصادفها شي مرة وتعمل فيك شي فصل ناقص.. :lol:

[Firas]

امممم ..

كل الناس خير وبركة أخت سوسن ..

ولهجتك الحلبية تمام .. :wink:

بالتوفيق ..

[The Best]

لغتك الحلبية كتير كويسة بس أنا عم بقول أش رأيك لو بتغير الخاتمة لأنو مي ناجحة متل عادة
برأيي كان ممكن تبعقلها صوتيين تلاتة يجمعو شباب الحارة وأظن ما بيخفاه على حدا الشباب الحلبي أش بساوي وقت الي بدوا يساوي حاله عنتر
وشكرا كتير على هذه القصة الحلوة 8) :lol:

[Sawsan]

اي الحق معك TheBest هيي كانت ليلى بدها تبعق صوتين وتفيقكن بس كانت الدنيا بنصاص الليالي ماحبت تزعج حدة مشان هيك قالت لحالها رح اتصرف لحالي :wink:

[فلسطيني]

اه والله حرام هالذئب.... لو عارف انها حلبية لما كان بهالغابة بالاصل...

كان احسلو يروح يصطاد ارنب على قدو....هههه..

[Abdulrahman]

لك اش هاليلى الحلبية .. ماشاء الله حولها وحوليها شقد قادرة وبتعرف تتصرف ..

والله أخت الرجال هالليلى .. الله يخليها لأمها .. عرفتو مقامو للذئب وسمعتو كلمتين ما بينساهم طول عمرو

والله حلوة كتير يا سوسن قصة ليلة والذئب الحلبية .. يلا حطيلنا قصة علي بابا الحلبي والأربعين حرامي .. :D

[Sawsan]

comboy
شايف ... هالذئب أكلها والله ماكان عرفان انو البنات الحلبيات قوايا ومارح يقدر عليهم؟؟؟

عبد الرحمن
عجبتك كتير هاليلى انا شايفة... بتحب جبلك عنوانها بلكي بتصير من نصيبك :wink:

[Abdulrahman]

لا لا ..... دخيلك سوسن ... لا تعرفيني عليها ... :shock:

أنا بحب أموت موتة ربي .. :roll:

إذا كان الذئب ما طلعلو معها ... بقى مين أنا .

[Sawsan]

خلص متل مابدك عبد الرحمن لايغط على قلبك ... اذا غيرت رايك قللي !!