مشاهدة نسخة كاملة : شارك بما تعرف من الأمثال الشعبية ...
Cardo
07-09-2005, 12:30 AM
أصدقائي أعضاء المنتدى ...
تعد الأمثال الشعبية من التراث المحكي الواجب علينا الحفاظ عليه من الضياع ...
لأن الأمثال ثروة لا نعلم قيمتها الا عند فقدانها ...
فلنساهم جميعاً بتوثيقها وبتعريف الغير عليها ...
لنشارك كل بما يحفظ من الأمثال ...
سأبدأ بمثل يقول :
طب الجرة على تما ------بتطلع البنت لإما ...
بانتظار مشاركاتكم ...
Sawsan
07-09-2005, 11:08 AM
شكرا" كاردو....
مابعرف ليش دغري خطر على بالي هالمثل:
يامأمن للرجال... متل المي بالغربال :wink:
Firas
07-09-2005, 01:18 PM
حلو .. بكرة بتصير عنا موسوعة الامتال الشعبية .. :wink:
وهي متل :
الجنة بلا ناس ما بتنداس .. :wink:
Sawsan
07-09-2005, 01:24 PM
وهي مثل تاني مني:
خود الأصيلة....ونام عالحصيرة :wink:
Firas
07-09-2005, 01:31 PM
وهي متل تاني مني :
بيت الضيق بيوسع ألف صديق .. :wink:
Cardo
07-09-2005, 02:19 PM
Sawsan و Firas ...
شكراً لتفاعلكم مع الموضوع ...
وانشاله بجهود كل الأعضاء منعمل هل الموسوعة ...
بانتظار المزيد منكم ...
وهي متل من عندي ...
عصفور بالإيد ولا عشرة عل الشجرة ...
Sawsan
07-09-2005, 02:27 PM
قال بالأمزاح تشتفي الأرواح...
Firas
07-09-2005, 02:43 PM
وهي متل كمان :
تـوب العيرة ما بيدفّي وإن دفا ما بيدوم
:roll:
Sawsan
07-09-2005, 02:50 PM
في مثل حلو:
الشي اللي مابيليق... بيطقق المعاليق :lol: :lol:
Cardo
07-09-2005, 02:50 PM
طلعنا من تحت الدلف لتحت المزراب :wink:
Sawsan
07-09-2005, 02:55 PM
شو كارد الظاهر متل مابيقول المثل
مافي بالميدان غير حديدان ...
Cardo
07-09-2005, 02:58 PM
لأ Sawsan ...
لا تستعجلي ...
على قولة المتل العجلة من الشيطان ...
Sawsan
07-09-2005, 03:03 PM
اي بس كمان على قولة المثل:
أمل ابليس بالجنة...
Firas
07-09-2005, 03:03 PM
على قولة المتل :
دق المي وهييّ مي
Cardo
07-09-2005, 03:06 PM
بس هيك بيطبق عليكن المتل بدكن تخطفو الكباية من راس الماعون :mrgreen:
Firas
07-09-2005, 03:15 PM
وانت الصادق ..
الديك الفصيح من البيضة بيصيح :wink:
Cardo
07-09-2005, 03:19 PM
بس كمان لبين ما الواحد يلاقي شي مناسب ...
مو على قولة اللبنانيين يخزّء و يلزّء :mrgreen:
Firas
07-09-2005, 03:33 PM
والله على قولت المتل :
إللي بدو يصر جمال بيعلي باب دارو :wink:
miss-love
07-09-2005, 05:55 PM
جاجة حفرت على راسها عفرت
Cardo
07-09-2005, 05:58 PM
بس كمان مو يا طخو يا كسور مخو ...
يسلمو miss-love ...
متل حلو ...
Cardo
08-09-2005, 03:34 AM
اللي بطلع لفوق بتوقع قبيعته :|
ammar
08-09-2005, 03:44 AM
شكراً كتير على هل المشاركات الحلوة
قال اللي بيعرف بيعرف واللي ما بيعرف بيقول كف عدس :wink:
adalcom
08-09-2005, 04:28 AM
إن الضربة التي لا تقتلني , تقويني :arrow:
goldeneyes
08-09-2005, 04:35 AM
ما تواخذوني بهل المثل بس كتير بضحك
لايق للشرشوحة مرجوحة .....و لابو بريص قبقاب
Sawsan
08-09-2005, 10:39 AM
اي قال لبس المكنسة.... بتصير ست النسا
Firas
08-09-2005, 11:36 AM
امشى دغرى .. يحتار عدوّك فيك ..
Sawsan
08-09-2005, 11:50 AM
قال حظ عطيني..... وبالبحر ارميني
Cardo
08-09-2005, 07:39 PM
اللي ما بيوصل للعنب بقول عنه حامض ...
امير حلب
08-09-2005, 11:02 PM
شكرا كاردو ....صح هي لعبة بس حلوة ومفيدة ..........
صار لازم احط بصمتي على الموضوع واشارك بحفظ التراث العربي الشعبي وكل ما كان المثل قديم بيكون افضل واحللى ويلامس الحقيقة فكل مثل كان نتيجة تجربة وخبرة ولم ياتي من فراغ
الكل مشكورين على الامثلة الحلوة .............
عطي خبزك لخبازو ولو اكلو نصو .............اخطب لبنتك قبل ما تخطب لابنك .........
الحجر الي ما يعجب بفج ............صدر البيت الكن والعتبة النا ...........
امير حلب
Cardo
09-09-2005, 04:42 AM
يسلمو ايديك أمير حلب على هل الأمتال الحلوة ...
تذكر أكتر وذكرنا معك ...
شكراً الك ...
امير حلب
09-09-2005, 07:16 AM
مو تكرم عينك اخ كاردو ......................
فرخ البط عوااااااااااااااااااااااااااااااام....... :wink:
سألو الأرنب ليش ما بتاكل لحم .............قال خليني أسلم على لحماتي ..... :lol:
كل طلعة ...............وراها.............................. ................نزلة ...الله يحمينا :roll:
امير حلب
Cardo
09-09-2005, 07:15 PM
بعد ما شاب ..... ودوه الكتاب :|
goldeneyes
09-09-2005, 07:31 PM
اسفة يا جماعة المثل اللي كتبته في غلط بسيط و هو لايق للشوحة مرجوحة ......
الي اله حظ ما يتعب و ما يشقى ....
مو كل من رص صواني بئى حلواني......
الحقوا الكذاب لورا الباب ...
ريد الخير لجارك بتلاقي بديارك ....
التتمة في الحلقة القادمة ..... باااااااااااااي
امير حلب
09-09-2005, 07:46 PM
عذرا منك العيون الذهبية ..........بس في غلط آخر عندك ......علينا نقل المثل بدقة لكي لا يختلف المعنى..
اللي ما اله حظ لا يتعب ولا يشقى .........مو كل مين صف صواني صار حلواني ............
خدي كم مثل من ايام الابتدائي ...من جد وجد ومن سار على الدرب وصل .............
من طلب العلا سهر الليالي ..................
ضربني وبكى وسبقني واشتكى ............العيار الي ما يصيب يدوش ...........
امير حلب
Sawsan
10-09-2005, 12:22 PM
قال ياداخل بين البصلة وقشرتها... مابينوبك غير ريحتها
امير حلب
10-09-2005, 01:11 PM
اللي بايدو القلم ما بيكتب حالو من الاشقيا ......
Sawsan
10-09-2005, 01:19 PM
اللي مكتوب عالجبين.. لازم تشوفه العين
امير حلب
10-09-2005, 01:26 PM
المكتوب ما منو مهروب
امير حلب
Sawsan
10-09-2005, 01:43 PM
بس قال حظ عطيني .... وبالبحر ارميني
واللي ماله حظ لايتعب ولايشقى
والمنحوس منحوس... لو علقوله فانوس
امير حلب
10-09-2005, 01:47 PM
حظ عطيني مذكور ...........الي ماله حظ مذكور ايضا ............
جيناك يا عبد المعين لتعين لقيناك يا عبد المعين عايز تنعان
Sawsan
10-09-2005, 01:50 PM
اي مو بيقولوا....
عطي الخباز خبزه...لو أكل نصه
امير حلب
10-09-2005, 01:52 PM
سوسن معقول ما عبتقري الردود كلن مذكورين
ام القتيل بتنام وام المهدد ما بتنام
Sawsan
10-09-2005, 02:04 PM
طبعا" عم اقراهم أمير حلب بس يمكن هي فاتتني ونسيت انها مذكورة (واللي ماله حظ لايتعب ولايشقى ) مافي غيرها متكرر.......
امير حلب
10-09-2005, 02:11 PM
خبز الخباز انا كتبتو حتى انك ذكرتي بشكل غلط .................
امير حلب
Sawsan
10-09-2005, 02:22 PM
طيب....
وهي مثل جديد كرمالك: قاضي الولاد شنق حاله
حدة قايله قبلي؟؟؟
Cardo
10-09-2005, 02:48 PM
علمناه عل الشحيدة سبقنا عل البواب :roll:
sawsan-s
11-09-2005, 01:31 AM
شكرا كتير على هالأمثال الحلوة
وكتير اتحمست شارك معكم بس للأسف ما بعرف أمثال كتير
فأخذت من أمي هادول :wink: :
على قد بساطك مد رجليك
زيوان بلدك ولا قمحة غريبة
Cardo
11-09-2005, 02:16 AM
شكراً الك sawsan-s عل المتلين الحلوين ...
بس المتل التاني قافيته مكسورة ...
وهوه : .... زيوان البلد ولا قمحة جَلَبْ ----------- يعني استيراد :mrgreen:
وهي متل من عندي :
ركبنا وارنا عل الحمار .... آم مد ايده عل الخرج :mrgreen:
goldeneyes
11-09-2005, 04:45 AM
يا مسيو امير حلب .... يجوز الوجهين....الي اله حظ ما يتعب و لا يشقى و الي ماله حظ لا يتعب و لا يشقى
قالو للفقير منالك و الزنكيل مباركلك ...
قام الدب ليرقص قتل سبعة انفس..
قامت العروس لتحوس كسرت الجرة و الفانوس
Abdulrahman
11-09-2005, 05:09 AM
قامت ست نفوس لتحوس ..
حترنا يا أقرع من وين بدنا نمشطك ...
كمل النقر بالزعرور ..
امير حلب
11-09-2005, 03:05 PM
عزيزتي العيون الذهبية ............
يجوز الوجهين .........بس المتداول والاساسي الثاني ...........
بعد هالكبرة جبة حمرة ..................( مسيو ).........
سوسن س لازم تشاركي ..امثال الشام حلوين خلينا نتعرف على شوي منهم ............
امير حلب
Sibal
11-09-2005, 04:31 PM
و الله كتير حلوة الفكرة ;)
يالله و هي متل بنقال لشخص بحب يكسب العالم
(أطيب من العسل خل ببلاش )
goldeneyes
11-09-2005, 06:27 PM
خلي العسل بجراره لتجي اسعاره....
كلشي بوقته حلو.......مسيو
امير حلب
11-09-2005, 07:07 PM
كل قمحة مسوسة الا كيال اعمى ......مسيو
امير حلب
Cardo
11-09-2005, 07:27 PM
شكراً Sibal ...
goldeneyes وامير حلب حلوة هي مسيو ...
منضل هون كليتنا أصدقاء ...
وهي انته امير حلب وقعت بشر أعمالك :lol:
المتل هوة :
كل حنطاي مسوسة الا كيالا الأعور :mrgreen:
وهي متل من عندي:
يداك أوكتا وفوك نفخ :wink:
Sawsan
12-09-2005, 02:54 PM
بيقولوا : ادخل بجنازة .... ولاتدخل بجوازة
:wink:
امير حلب
12-09-2005, 04:00 PM
اللي بتجني السمرة بتصرفو حق غوا وحمرة ...........
هذا مو شر اعمال كاردو انا مع تصحيح الامثال للجميع في حال كتابتها بشكل خاطئ شكرا اللك
امير حلب
Sawsan
12-09-2005, 04:26 PM
ياما تحت السواهي.....دواهي :cry:
امير حلب
12-09-2005, 05:07 PM
الاقرع بتباها بشعر ابن خالتو
............امير حلب
Cardo
12-09-2005, 07:39 PM
لا تخاف الا من المي الريئدة :roll:
goldeneyes
12-09-2005, 09:13 PM
اللي يصبر ينال..... مسيو....
اللي ياكل العصي مو مثل اللي يعدها
العز للرز و البرغل شنق حاله
من بيت شقاع لبيت رقاع ,لبيت كتر الله افراحكم
يا مسيو Cardo شو هل المثل اللي كتبته ما فهمته ؟؟؟؟؟؟؟؟؟؟؟؟؟؟؟؟؟؟
امير حلب
12-09-2005, 10:23 PM
لاتعيب بتلتقي ولو كنت شيخ تقي ................
كل واحد بنام على الجنب الي بريحو ...........خير الامور اوسطها ...............
خير الكلام ما قل ودل ..........
امير حلب
Cardo
13-09-2005, 12:44 AM
goldeneyes ...
معنى المتل انو لا تخافي الا من المي اللي بدون حركة يعني لا تخافي الا من الشخص الهادئ ...
وهي متل جديد :
قال الطنجرة عيرت المقلاية قالتلا تنتينتنا بالمطبخ :|
امير حلب
13-09-2005, 05:28 AM
الصحة تاج على رأس الاصحاء لا يراه الا المرضى ................
تيتي ..تيتي ....متل مارحتي متل ما جيتي ............
درهم وقاية خير من قنطار علاج ...................
امير حلب
Sawsan
13-09-2005, 11:05 AM
طعمي التم بتستحي العين......
الضيف الشرشوح بياكل وبيروح
وكمان بيقولوا
الضيف المنظوم بياكل وبيقوم
العين بصيرة والإيد قصيرة :roll:
مين حسبك بسعره ماظلمك.. :wink:
امير حلب
13-09-2005, 02:11 PM
الطول تلتين الجمال .................. :lol:
اذا قامت بتزين و اذا بركت بتبين ............... :wink:
الي ما بياخد من ملتو بموت بعلتو ............ :cry:
امير حلب
Cardo
13-09-2005, 05:55 PM
لسانك حصانك ... ان صنته صانك ...
الجارية بتفرح بعزا ستا :(
goldeneyes
13-09-2005, 06:08 PM
اذا كان البصل ابوك و امك التوم.... الروايح الحلوة من وين تجيك يا منظوم...؟؟؟؟ :o
كل ما فتح جزدانه ترجف سيقانه... :lol:
قالوا للدب شو شغلتك قال موظف بالسرايا ..قالوا مبين من ايديك هالطرايا ... :shock:
اللي بده يخطب الحلوة ...بده يحضر نقدها :wink:
Cardo
13-09-2005, 06:36 PM
كل ما فتح جزدانه ترجف سيقانه...
حلوين هل الأمتال :lol:
يسلمو ايديكي ...
وهي متل كمان:
قالولو للحرامي حليف يمين قال اجا الفرج ...
امير حلب
13-09-2005, 09:30 PM
رضينا بالهم والهم ما رضي فينا ..........
امير حلب
sawsan-s
14-09-2005, 02:02 AM
ياااااااااااااااااااي شوحلوين
من وين جايبين كل هالأمتال؟؟؟؟؟؟؟؟؟
أحي صمودكم........ :lol: :lol:
امير حلب
14-09-2005, 02:43 AM
سوسن س هي فرصة رائعة لحفظ الامثال ...استغليها والحديدة بعدها حامية ..........
واللعبة هلق صارت حلوة لاني معظم الامثال المستخدمة تم ذكرها ..وصار اذا بدك مثل لازم تتعبي شوي ..ولنشوف مين رح يستمر ويثبت الكفاءة .......
طريق الالف ميل يبدأ ...............................بخطوة
لاتاخد الصاحب الا بعد قتلة ....................
امير حلب
kinan
14-09-2005, 02:54 AM
خدو هالمتل الحلبي
شد الخيط ومطو ........ كل مين اللي عليه بحطو :wink:
امير حلب
14-09-2005, 03:13 AM
جنب العقرب لا تقرب ................وجنب الحية فروش ونام ........................
امير حلب
Cardo
14-09-2005, 04:27 AM
صار للدبانة دكانة وصارت تسكر على بكير :mrgreen:
Sawsan
14-09-2005, 01:30 PM
اذا بدك تحمو... لاترد بتمو
مين غاظك غير اللي خبرك
بالأمزاح تشتفي الأرواح :twisted:
امير حلب
14-09-2005, 05:34 PM
العين بالعين والسن بالسن والبادي اظلم ........
امير حلب
Cardo
14-09-2005, 05:42 PM
اذا بدك تحيرو خيرو ...
وبقولو عل الكبير بالعمر على حفة قبرو ...
امير حلب
14-09-2005, 08:09 PM
ذكرنا القط اجى ينط ......
ذكور الديب وهير القضيب .............
امير حلب
goldeneyes
15-09-2005, 03:46 AM
قبل ما تحبل حضرت الكمون .... وقبل ما تولد سمته مأمون......lol
لما يحجوا القيقان ....و يرجعوا بلا سيقان....
Cardo
15-09-2005, 04:03 AM
قبل ما تحبل حضرت الكمون .... وقبل ما تولد سمته مأمون......
هههههههههههااااااااااااااااااا ...
حلو هل المتل كتير ...
وهي متل :
يطعمك الحج والناس راجعة ...
امير حلب
15-09-2005, 01:37 PM
الي بيتو من قزاز ما يضرب الناس بحجارو .............
امير حلب
Cardo
15-09-2005, 05:13 PM
الباب اللي بيجيك منو ريح سده واستريح :wink:
goldeneyes
16-09-2005, 12:21 AM
الاصح يا مسيو امير حلب هو.... اذا قعدت ما تزين ...و اذا قامت ما تبين .
حبلة و مرضعة و شايلة اربعة و طالعة ع الجبل تجيب دوا للحبل
حلاق فتح ..بأقرع استفتح...
قالوا لها قومي اطبخي قالت مريضة..قالوا قومي كلي قالت وين معلقتي العريضة
لكل زمان دولةو رجال
امير حلب
16-09-2005, 05:22 AM
عفوا ......مستعجل شوي والا كنت كتبتلك كم متل يعجبوك .........مسيو ................
انا بمتلي قصدت الطويلة وانت بتصحيحك قصدت القصيرة .........وشتان بين الطويلة والقصيرة ....
برجع وبكون النا لقاء بعون الله
امير حلب
Cardo
16-09-2005, 05:43 PM
عميل خير وزت بالبحر :|
امير حلب
17-09-2005, 04:52 PM
متل ما قلت كاردو عميل خير .........
الي بدو يقعد بين العوران ..............لازم يعور عينو...........
لا تاخد الرفسة الماكنة ............الا من الدابة العرجة.........
امير حلب
The Hunter
17-09-2005, 05:02 PM
اللي يشور عليك بالطلاق ما يواسيك في الفراق
أمنه على دكان خيش ولا تامنه على قرص عيش
من أمنك على ماله أمنك على حياته وعياله
:wink:
Cardo
17-09-2005, 06:08 PM
حط ببيتك حجار ولا تسكن جار :mrgreen:
امير حلب
18-09-2005, 10:37 AM
لا من تمو ولا من كمو ...............
امير حلب
Sawsan
18-09-2005, 02:22 PM
بيقولوا بوصف الأشهر
أيلول دنبه مبلول
بين تشرين وتشرين تاني صيف تاني
شباط ماعلى لسانه رباط
وآذار الهدار أبو العواصف والأمطار
شمس آذار لكنتي وشمس نيسان لبنتي
بتموز بتغلي المي بالكوز
آب اللهاب
:wink:
امير حلب
18-09-2005, 02:48 PM
وبيقولو .........كمان .........
خبي فحماتك الكبار لآذار...........
امير حلب
Sawsan
18-09-2005, 03:07 PM
أنا بعرف بيقولوا
خبي فحماتك الكبار ..لعمك آذار :roll:
امير حلب
18-09-2005, 04:11 PM
سوسن شلون عرفتي انو عمي ......... :lol:
معناها لازم تشاركي بحل اللغز البوليسي كمان :D
وهي مثل جديد .........
ان غاب عنك اصلو .........بدلوك عليه افعالو .....
.
امير حلب
Cardo
18-09-2005, 07:16 PM
اذا شفت الأعمى طبو مالك أكرم من ربه :roll:
المركب اللي عبيغرق عطيه دفشة :mrgreen:
Cardo
18-09-2005, 07:19 PM
كمان Sawsan بقولو على قدوم الصيف ...
بتضلو بتبردون لتحصدون ...
امير حلب
19-09-2005, 12:04 AM
الغرقان ...............بتعلق بقشاية
امير حلب
Cardo
19-09-2005, 01:34 AM
المركب اللي ما فيو لألله بيغرق ... :wink:
امير حلب
19-09-2005, 05:09 AM
بلشت الامتال تنفقد من السوق وصار المتل بيسوى هديك الحسبة ....... :lol:
وكنت اكتب 2او3 امتال صرت ادور دوارة على متل اكتبو وبعدين لكل حادث حديث ... :wink:
متل ما بقول المتل ..............لكل زمان دولة ورجال ..............
وكمان بقولو ...........الحساب بالقرش والكرم بالقنطار ...............
وبقولو ....كل ساعة والا ملائكته ....
امير حلب
Cardo
19-09-2005, 05:15 AM
وبقولو كمان المفلس أو المجنط بدور على دفاتره العتق ... :mrgreen:
امير حلب
19-09-2005, 10:36 AM
طنجرة ولاقت غطاها ............الله يهني سعيد بسعيدة ............
مو كل مين تجوز امك بصير عمك ..........
انا واخوي على ابن عمي ..وانا وابن عمي على الغريب .....
امير حلب
Sawsan
19-09-2005, 01:19 PM
بيقولوا عن وصف بعض الأشخاص
بياخدك عالبحر وبيرجعك عطشان
بيوقف المي بالنزول
امير حلب
19-09-2005, 01:38 PM
بقولو كمان ..................
الطمع ضر ما نفع...........
امير حلب
Sawsan
19-09-2005, 01:59 PM
قال .. قاضي الولاد شنق حالو
ماأغلى من الولد... إلا ولد الولد
قلبي على ابني وقلب ابني عالحجر
Cardo
19-09-2005, 02:49 PM
أمير حلب ...
بقولو مين ما أخد امي بقللو عمي :roll:
وبقولو كمان
لا تكتر روحاتك لعند امك وابوك بيكرهوك :(
امير حلب
19-09-2005, 02:50 PM
هي شوية اقوال كنا نرددا ايام الجيش ...........
كاس على كل الناس ................
حط راسك بين الروس وقول يا قطاع الروس ......
هدول بدلو على المساواة بس بالعامية الفصحة .......... :lol:
امير حلب
امير حلب
19-09-2005, 02:54 PM
هذا المتل له عدة وجوه ..........اذا قلتلو عمي بصير رضوخ وموافقة على زواجها واذا ما قلتلو يعني تجوز مافي مشكلة بس الي بدا تتزوجو لا يمت الي بصلة ..........
امير حلب
Cardo
20-09-2005, 02:18 AM
لحاق بالطرق ولو دارت ...
وخود البنت ولو بارت ...
واسكن المدن ولو جارت ...
Sawsan
20-09-2005, 12:06 PM
بعد الكبرة جبة حمرا... :lol:
امير حلب
20-09-2005, 12:14 PM
سوسن ...........تم ذكره سابقا.............
لا تغرك المظاهر............
الانسان مستور بقشاية .........
امير حلب
Cardo
20-09-2005, 05:32 PM
بيحكو عن فلان انو بقول للأعور أعور بعينو ...
بروك أعوج واحكي سيوي :wink:
امير حلب
20-09-2005, 06:57 PM
بيقولو اذا الواحد عم يدور على شي وما عم يلاقي ......
متل الي عم يدور على ابرة في كومة قش .......
Cardo
20-09-2005, 07:06 PM
كمان بقولو ............ فخار يكسر بعضو ...
امير حلب
20-09-2005, 10:18 PM
الإختلاف بالرأي لا ينقض للود قضية .......
امير حلب
Cardo
21-09-2005, 12:14 AM
بروك جمب الضرة ولا تبرك جمب الجرة ...
امير حلب
21-09-2005, 12:32 AM
نجوم السما اقربلك
امير حلب
Cardo
21-09-2005, 12:47 AM
بركناه بحضنا صار ينتف بدقنا ...
Sawsan
21-09-2005, 11:13 AM
قال... دق القرفة ولاصباح السلفة
امير حلب
21-09-2005, 12:03 PM
الشي الي مالك خصران منو كتر منو ............
امير حلب
Cardo
21-09-2005, 05:49 PM
قال... دق القرفة ولاصباح السلفة
اشو هل المتل هاد؟؟؟ :lol: :lol: :lol:
مافي دخان من غير نار ....
Princess of dreams
21-09-2005, 05:51 PM
في الحقيقة : كلكن يعني ما شاء الله حاطين أمثال حلوة
ما عرفت شو بدي أحط
اتذكرت مثل حلبي قديم كتيييييييييييير
هو : ( شيلني لأدربس باب الصقاق )
وهي واحد معروف (خلي العسل بجراره لتغلى أسعاره )
goldeneyes
21-09-2005, 08:10 PM
مجنون ماله دوا اللي يقول كل النسوان سوا
اول مرة مرمرة و التانية سكرة و التالتة عنبرة و الرابعة ع المقبرة
قدها قد الفارة و صوتها مللي الحارة
ايام البطيخ يا مرا لا تقولي شو الطبيخ
Cardo
21-09-2005, 10:29 PM
شيلني لأدربس باب الصقاق
حلو هل المتل ...
شكراً Princess of dreams عل المشاركة ...
ايام البطيخ يا مرا لا تقولي شو الطبيخ
معناتا كل الأكل بطيخ ... :roll:
متل حلو goldeneyes
وهي متل اني زكرتيني فيو من المتل الأول
مجنون يحكي وعاقل يسمع :mrgreen:
امير حلب
22-09-2005, 02:00 PM
الكبر عبر ...........
لا تصلح الايام ما أفسدته السنين ..........الي فيو عادة صعب يغيرا ....
ياخبر بفلوس بكرة يصير ببلاش...............
امير حلب
Sawsan
22-09-2005, 02:28 PM
العز للرز والبرغل شنق حالو ...
امير حلب
22-09-2005, 02:37 PM
عزيزتي سوسن ...ابحثي عن امثال جديدة وغير مذكورة ....لو بذلت بعض الجهد .....
مجنون يحكي وعاقل يسمع ..........
امير حلب
Sawsan
22-09-2005, 04:02 PM
أخي أمير حلب شبنا متل مابيقولوا "واقفلي على دقرة"
يا أخي الأمثال كترت ومن الطبيعي انو ينعاد بعضها و "ماحدة على راسو خيمة"
لاتقللي منعادين... تأكدت قبل ما حطهم :?
Cardo
22-09-2005, 04:16 PM
ما حدا أحسن من حدا ...
مافي حدا لحدا ...
امير حلب
22-09-2005, 04:24 PM
هذا جديد.....بس مالي واقفلك والله .....بس بدنا دائما شي جديد .......
امير حلب
Cardo
22-09-2005, 04:32 PM
لا تلعب بالنار بتحرق اصابيعك ...
امير حلب
22-09-2005, 04:34 PM
سوسن متل ما بيقولو ...........الحاجة ام الاختراع .....
امير حلب
Cardo
23-09-2005, 03:01 AM
الله بيعطي الإنجاص للي مالو دراس والحلق للي مالو أدنين ...
goldeneyes
23-09-2005, 04:42 AM
بالله مسيو cardo مين المجنون ؟؟؟؟
وهي مثل جديد وهو
اذا بدي اصرف من كيسي ما اساويك عريسي
ابو القنباز المرقع صارله قاعة و مربع
شو رايكم ننتخب صاحب او صاحبة احلى مثل ؟؟؟
goldeneyes
23-09-2005, 04:44 AM
بالله مسيو cardo مين المجنون ؟؟؟؟
وهي مثل جديد وهو
اذا بدي اصرف من كيسي ما اساويك عريسي
ابو القنباز المرقع صارله قاعة و مربع
شو رايكم ننتخب صاحب او صاحبة احلى مثل ؟؟؟
Cardo
23-09-2005, 05:53 AM
هي شغلة بدا تصويت وما بيمشي حالا هيك ...
منعيفا لنخلص الأمتال ...
بس في متل عبنط بذاكرتي وهوة :
العصاية من الجنة ...
والعصى لمن عصى ...
امير حلب
23-09-2005, 07:09 AM
على ذكر العصا بيقولو ................من باب التخويف..............
هز بالعصاية ولا تستعملا ...........
امير حلب
Cardo
23-09-2005, 08:29 PM
ياما تحت السواهي دواهي ...
Sibal
23-09-2005, 10:18 PM
كبرت الباتنجانة و تدندلت اجراصا , و نسيت أبوعة الزبالة الي ع راسا
امير حلب
23-09-2005, 10:37 PM
كاردو .........كاردو ..........كاردو .......واخيرا ..المتل مذكور من قبل سوسن
سوسن هي كاردو ..بلش يخربط وانا ما قصرت ...للعلم فقط .....
لا تقول كمون لحتى تصر عليه
Cardo
23-09-2005, 10:53 PM
في بالصفحة الماضية المتل اللي قلته مجنون يحكي وعاقل يسمع أنا ذيكره بنفس الصفحة قبل بكم رد ...
ومع هيك تركتك الت لحالي يلا تركو ................. لكل حصان كبوة :wink:
امير حلب
23-09-2005, 11:00 PM
مالك حق قليجد وما بزعل انا من النوع الذي يقبل على نفسه التصحيح بصدر رحب جدا ..جدا..جدا
Sibal
24-09-2005, 12:32 AM
صار أمر و تحول و نسي زمانه الأول
Sibal
24-09-2005, 12:33 AM
أمر = قمر :oops:
Cardo
24-09-2005, 12:52 AM
المشكلة انو :
الغنمة بس وعت (وقعت) بيكترو دبيحينا ...
مرحبا يا جماعة ...
جيت أشارك معكم وياريت يكون هالمتل جديد ..
ليبق للشوحة مرجوحة ولأبو بريص قبقاب
Cardo
24-09-2005, 01:23 AM
هوة بيني وبينك alaa مكرر ...
بس مو مشكلة ...
المهم انك تشاركينا بالأمتال اللي عندك واللي ممكن تغني الموضوع ...
امير حلب
24-09-2005, 07:45 AM
مرحبا تأخرت عليكن بس مو مشكلة ...
الولد ولد ولو عمر بلد ..............
وبقولو كمان ....القرد بعين امو ................................غزال
وبقولو ........الجمل ما بيشوف حدبتو .........................
امير حلب
آآآآآآآآآه ... تعبت كتير لأني من ساعتين وأنا أسجل جميع الأمثال التي مرت في الموضوع حتى
ما أذكر شي مثل مكرر ....
وأخيراً ... خلصت ... :cry: :cry: :(
وحضرتلكم شوية أمثال ...
قال ... ست وجاريتين على قلي بيضتين .
اش أحكي عنك يا سفرجل ، كل عضة بغصة .
متل الزيتون ، مابيحلى غير بالكسر .
امير حلب
24-09-2005, 01:32 PM
واااااااااااااو alaa......شو هاد حلوين كتير.........يسلمو ايديكي بلشتي تدخلي اجواء اللعبة
لا تقول عسل حتى تدوقو .........
امير حلب
Cardo
24-09-2005, 04:33 PM
لا تقول عنب ليصير بالسلة ...
انته بدك العنب الا بدك تقتل الناطور :wink:
وهاد مالي متذكر اذا انقال:
الباب اللي بيجيك منو ريح .................. سدو واستريح
امير حلب
24-09-2005, 07:08 PM
وعلى قولة فارس كرم ......
حقي ع آب اللهاب مش حقي ع التنورة ...........تغير شكل شوي
امير حلب
والله يا جماعة هالموضوع كتير عجبني ....
وانعديت منكم في التمتيل :wink: ...
متل ما بيقولو : الصاحب ساحب
تينة جنب تينة بتستوي ..
Cardo
25-09-2005, 04:18 AM
يللي متلنا تاعو لعنا ...
Cardo
25-09-2005, 07:25 PM
وينكون يا شباب ؟؟؟؟
ايه ......ايد وحدة ما بتسفق ...
امير حلب
25-09-2005, 08:22 PM
لا تضحكي ليلة عرسك لس ياما مخبالك ...........
امير حلب
اللي معه قرش محيره ، بيجيب حمام وبطيره ...
اللي معه اش بيمنعه ....
اللي عنده بهار ، بيرش عالمخلوطة ..
Cardo
25-09-2005, 09:14 PM
ذكرتيني alaa بهل المتل ...
معك قرش بتسوى قرش ...
امير حلب
25-09-2005, 11:46 PM
معلش اليوم سوسن ملتهية بأكل الكاتو وفتح الهدايا ...وتلقي المباركات ..بس من بكرة بتكون معنا ومعا كم مثل جديد عن عيد الميلاد .........
الغزالة بتغزل على عود..............
الاء كتير حلوين امتالك خليكي معنا ............
امير حلب
Sibal
25-09-2005, 11:59 PM
صار للدبانة دكانة و صار بدا تسكر بعد الضهر
امير حلب
26-09-2005, 12:03 AM
عزيزتي سيبال مع كل اسف المتل مذكور .....بس مو مشكلة ..عدت ....
عدو ابوك وجدك ما يودك ..........
امير حلب
Sibal
26-09-2005, 12:30 AM
اها اوكي ... عندي أمتال بيذكرها جدي ما مكتوبة بس المشكلة انو ما خرج تنكتب 8)
امير حلب
26-09-2005, 12:47 AM
الامتال الي ذكرتيا عنا منا بس ما بتنكتب ..........بدنا شي ينكتب سيبال ..........
سألي جدك بلكدن بيتذكر شوي بينكتبو واذا ماتذكر ذكري انت بستك ببلش يتذكر على مهلو وما بتلحقي تسجيل ورا ..........
صديق اليوم عدو الامس ...........وصديق الامس عدو اليوم .......
امير حلب
Cardo
26-09-2005, 01:53 AM
في كلمة تفضل مافي كلمة عشت؟
Princess of dreams
26-09-2005, 01:57 AM
وهي أمتال تانية اسمعوا .قال :
الحكي إلك يا جارة .... اسمعي يا كنة
على الطرة متل البرقة والشغلة متل البغلة ... هههههه
قالتلها قومي من الشمس يبعتلك دمية ... قالتلها ما بدي هل الحنية
كل ديك على مزبلته صياح ...
امير حلب
26-09-2005, 04:47 AM
على قولة المتل ...........
لا تشكيلي ببكيلك ............
امير حلب
Sawsan
26-09-2005, 11:46 AM
وهي رجعتلكم من عيد الميلاد.. انشاء الله عجبكن الكاتو :oops:
وشكرا" الكم عالهدايا :P
قال
قال اللي ماداق المغراية.. مابيعرف شو الحكاية
Sawsan
26-09-2005, 02:02 PM
وقالوا:
ماصارلك بالقصر لمبارحة العصر
ولاتشكيلي ببكيلك!!!
امير حلب
26-09-2005, 02:21 PM
وراك وراك والزمن طويل ...........
سوسن راجعي ص 11 فيا امتال كتير حلوة ..........
امير حلب
Sawsan
26-09-2005, 02:38 PM
شكرا" أمير حلب... طبعا" قريتهم كلهم مشان ما كررهم :wink:
من دهنه سقيله!!!!
امير حلب
26-09-2005, 02:41 PM
الصبر مفتاح الفرج..............
امير حلب
The Prince
26-09-2005, 02:48 PM
بعرف إنو طولت الغيبة بس يلا هاد واحد :
قال إللي بيعرف بيعرف وإللي مابعرف بيقول كف عدس.... :lol: :wink:
Cardo
26-09-2005, 05:10 PM
كرمال عين تكرم مرج عيون ... :wink:
ما أكتر صحابي لما كان كرمي دبس ، وما أقل صحابي لما صار كرمي يبس .. :cry: :cry:
امير حلب
27-09-2005, 12:07 AM
وراء كل رجل عظيم امرأة عظيمة ........
امير حلب
Cardo
27-09-2005, 03:17 AM
اللي بياكل على درسه بينفع نفسه ... :wink:
امير حلب
27-09-2005, 03:30 AM
من اخد ورد شارك الناس بأموالا ............
امير حلب
Sawsan
27-09-2005, 11:24 AM
المال فدا الأبدان...
الجوع كافر
البرد جنون والدفا عفا
Sawsan
27-09-2005, 12:37 PM
وفي كمان: الجنون فنون
Cardo
27-09-2005, 02:57 PM
الجنون فنون و الصراع بواب :lol:
Princess of dreams
27-09-2005, 03:02 PM
وبيقولوا :
يا جبل ما يهزك ريح
Cardo
27-09-2005, 03:05 PM
بمشي الحيط الحيط وبقول ياربي السترة ...
Sawsan
27-09-2005, 03:10 PM
في مثل مصري بيقول:
ظل راجل ولا ظل حيطة
امير حلب
27-09-2005, 03:15 PM
خبي قرشك الابيض ليومك الاسود...
امير حلب
مافي شجرة وصلت لربها :wink: ..
Cardo
28-09-2005, 01:54 AM
عطي الشب للصبية وسكنن بالبرية :wink:
Abdulrahman
28-09-2005, 03:24 AM
البيت بيت أبونا ، بيجو الغرب بطردونا
امير حلب
28-09-2005, 05:20 AM
مرحبا متل ما بقول المتل والذي اصبح اغنية شهيرة .........
يضرب الحب شو بزل .........
امير حلب
Cardo
28-09-2005, 06:43 PM
ابن آدم نصه خلقة ونصه خرقة (قماشة)...
Princess of dreams
28-09-2005, 10:08 PM
وهي متل ...
قالها يا مرة اطبخي .... قالتله يا رجال كلف ...
امير حلب
28-09-2005, 10:16 PM
متل ما بقول المتل ..........هههههههههه
السجن للرجال ................
امير حلب
الإيد اللي مابتقدر تقطعا ، بوسا وادعي عليها بالكسر ...
Cardo
29-09-2005, 04:04 AM
رجعت حليمة على عادتا القديمة ...
امير حلب
30-09-2005, 05:22 AM
العين ما بتعلى على الحاجب
امير حلب
Princess of dreams
30-09-2005, 03:15 PM
من شابه أباه فما ظلم ...
فرخ البط عوام .........
Cardo
30-09-2005, 07:36 PM
نزلت الحزينة تفرح مالاقت مطرح ...
امير حلب
30-09-2005, 08:40 PM
اجت الحزينة تفرح مالاقت للفرح مطرح
امير حلب
Cardo
01-10-2005, 09:16 PM
لا تزم ولا تشكر قبل سنة وست اشهر ...
Sawsan
02-10-2005, 01:16 PM
بتمنى مايكون ولا واحد من هدول مكرر :roll:
بيت السبع مابيخلى
الصهر سند الظهر
ياخبر بفلوس بكرة يبقى ببلاش
بكرة بيدوب الثلج وبيبان المرج
ودق الحديد وهو حامي
وبيقولوا: فخار يطبش بعضه :shock:
Cardo
02-10-2005, 02:51 PM
استكبرا ولو كانت مرة ...
Cardo
04-10-2005, 10:05 PM
اذا بدك تستريح اش ما شفت قول منيح ...
Cardo
09-10-2005, 04:16 PM
وين المشاركات ؟؟؟؟؟
ما تم في عندكن أمتال ؟؟؟؟ :|
يلا أمري لألله ...
بدي أحط متل للمرة التالتة عل التوالي ...
أكبر منك بيوم أعرف منك بسنة ...
بس ما عدت متذكر اذا انقال من قبل الا لأ :roll:
امير حلب
13-10-2005, 11:34 PM
مرحبا للجميع ..........رمضان كريم .........
سآل مجرب ولا تسأل حكيم
امير حلب
Cardo
14-10-2005, 01:24 AM
بقولو عن رمضان :
بس عشّر دشّر ...
امير حلب
14-10-2005, 06:29 AM
مرحبا للجميع ....رمضان كريم .......
بيقولو للأولاد ............
الي ما بيصوم مالو عيدية ...........
امير حلب
Cardo
14-10-2005, 07:24 PM
كني خلصو الأمتال حتى قلت المشاركات http://smilies.sofrayt.com/fdm/terrified.gif
وهي متل من عندي :
اذا حضرت الملائكة هربت الشياطين ...
امير حلب
27-10-2005, 07:23 PM
مرحبا للجميع .....رمضان كريم
الي بدايقو جارو..............يغير باب دارو
امير حلب
Cardo
27-10-2005, 08:49 PM
قالولو للبسمار ليش بتدخل بالحيط قلن من الدق اللي وراي ...
امير حلب
27-10-2005, 09:10 PM
مرحبا للجميع ....................رمضان كريم
ولو كاردو .........متل ما بيقول المتل ..
النبي وصى بسابع جار
امير حلب
Cardo
27-10-2005, 09:19 PM
منقللو تيس بقول حلبو ...
امير حلب
27-10-2005, 09:25 PM
مرحبا للجميع ................رمضان كريم
معناها .........
كومة حجار ولا هيك جار
امير حلب
Abdulrahman
09-11-2005, 01:52 AM
كل حمصة مسوسة إلها كيال أعور
Princess of dreams
09-11-2005, 01:23 PM
اللي ايدوا بالمي مو متل اللي ايدو بالنار
البيت بيت أبونا بيجوا الغرب بيطردونا
( بس ما يكونوا موجودين من قبل
Cardo
09-11-2005, 06:40 PM
جدي لعب بعقل تيس ...
Abdulrahman
09-11-2005, 08:54 PM
قال أش أطيب من العسل ... خل ببلاش
Cardo
11-11-2005, 03:36 AM
اللي ما بخاف ما بخوف ...
Princess of dreams
11-11-2005, 04:10 AM
قال : ارفعي راسك ولا تضلي ذليلة ..
يمى انتِ بنت حمزة و بتسوي قبيلة
امير حلب
19-11-2005, 06:53 PM
مرحبا للجميع ....
يا مسترخص اللحم .... عند المرقة بتندم
امير حلب
Firas
23-11-2005, 11:47 PM
شباب مابعرف اذا المثل موجود ولا لأ .. بس قرأت قصته وحبيت تطلعوا عليها معي .. والقصة هي التالي :
كان شن من دهاة العرب , فقال والله لأطوفن حتى أجد امرأة مثلي , فاتزوجها , فسار حتى لقي رجلاً يريد قرية يريدها شن , فصحبه , فلما انطلقا قال له شن : أتتحملني أم أحملك ؟ فقال الرجل : يا جاهل كيف يحمل الراكب الراكب ,
فسار حتى رأيا زرعاً قد استعصد فقال شن : أترى هذا الزرع قد أكل أم لا ؟ فقال الرجل : يا جاهل , أما تراه قائماً .
فمر بجنازة فقال شن : أترى صاحبها حياً أو ميتاً ؟ فقال الرجل ما رأيت أجهل منك . أتراهم حملوا إلى القبر حياً .
ثم سار الرجل إلى منزله وكانت له ابنة تسمى طبقة , فقص عليها القصة .
فقالت أما قوله أتملني أم أحملك , فأراد حدثني أم أحدثك حتى نقطع طريقنا , وأما قوله أترى هذا الزرع قد أكل أم لا , فأراد باعه أهله فأكلوا ثمنه أم لا , وأم قوله في الميت , فأنه أراد أترك عقباُ يحيى به ذكره أم لا , فخرج الرجل فحادثه ثم أخبره بقول ابنته و فخطبها إليه فزوجه إياها , فحملها إلى أهله فلما عرفوا عقلها ودهاءها ,قالوا : " وافق شن طبقة " .
:wink:
Cardo
25-11-2005, 02:09 AM
يسلمو Firas عل القصة الحلوة ...
وهي متل :
الممارس غلب الفارس ...
امير حلب
27-11-2005, 11:33 AM
مرحبا للجميع .....
قصة حلوة عزيزي فراس ...شكرا لك
الفرس من خيالا
امير حلب
الي بدو يعمل جمال يعلي باب بيته
Cardo
28-11-2005, 01:41 AM
كل مين بغني على ليله ...
Abdulrahman
29-11-2005, 04:54 AM
هي متل سمعتو من سارة بأحد الردود وعجبني ...
إذا بدك ابنك يرسب قلوا عشر مرات يا كسلان ...
امير حلب
29-11-2005, 03:28 PM
مرحبا للجميع ..
شكرا لك عزيزي عبد الرحمن .
إذا بدك ابنك ينجح قلو....... الف مرة يا نجحان
امير حلب
Princess of dreams
01-12-2005, 12:27 AM
اللي بخاف الله لا تخاف منه
Cardo
01-12-2005, 06:02 AM
لبين ما تتحنكل ام رزوق بكون سكر السوق ...
Abdulrahman
01-12-2005, 08:02 PM
العتب مو عليك العتب على اللي سلمك دقنه تنتف فيها ...
Cardo
01-12-2005, 10:26 PM
هههههههههااااااااااااااااااا ----- حلو هل المتل Abdulrahman ...
وهي متل جديد :
الفراغ الكبير بيسع الصغير ...
امير حلب
03-12-2005, 08:35 PM
مرحبا للجميع .....
حلوين كتير شباب .... كاردو.... قلتلي الفراغ الكبير بيسع الفراغ الصغير ...
تيتي تيتي متل مارحت متل ما جيتي ..
امير حلب
Cardo
03-12-2005, 09:04 PM
عرس المجانين بالكوانين. http://smilies.sofrayt.com/fsc/smile3.gif
امير حلب
04-12-2005, 05:43 AM
مرحبا للجميع ......
بيقولو ....
احب من الولد ولد الولد ..
امير حلب
Cardo
04-12-2005, 03:43 PM
بكانون كنّ بيتك يا مجنون ...
عتمة كانون بترعب مجنون ...
Abdulrahman
05-12-2005, 06:21 PM
قال عمرا شجرة ما وصلت لربها ....
Cardo
05-12-2005, 06:26 PM
بعيد البربارة بيزيد النهار نطة فارة ...
Abdulrahman
05-12-2005, 07:25 PM
قال لبيس ماله ودكتو بـ 14
Cardo
05-12-2005, 07:27 PM
ههههههههههههاااااااااااااااااااا ....
متل كتير حلو ...
يسلمو Abdulrahman ...
امير حلب
06-12-2005, 08:33 PM
مرحبا للجميع ......
هههههههه حلو كتير عبد الرحمن ...منيح قدرت تكتبو ..في امتال كتير الواحد بدو يشفرا احيانا
بس لس ما وصلنا لهيك امثال .....هههههههه
امير حلب
Cardo
10-12-2005, 04:55 AM
الغصن اللي ما بهزه الهوى قطعه أولى ...
امير حلب
10-12-2005, 02:47 PM
مرحبا للجميع ....
الي ما فيو خير لأهلو ما فيو خير لحدا
امير حلب
Cardo
10-12-2005, 04:01 PM
شحاد ومشارط ...
Abdulrahman
12-12-2005, 06:55 AM
قال الي ما بدلي زنيبلو ما حدا بعبيلو ...
امير حلب
12-12-2005, 11:14 AM
مرحبا للجميع ...
لا تقول فول ليصير بالمكيول
امير حلب
Cardo
12-12-2005, 03:23 PM
وهادا متل ما بحبو بالمرة ...
بس اش بدي أعمل قللو الأمتال عندي كتير ومضطر عليه ...
لولا الغيرة والحكة ماكان حدا زارك يا مكة ...
امير حلب
12-12-2005, 07:17 PM
مرحبا للجميع ...
بيقول المتل ..
ابن العشرين بجوز حالو ...
وابن الثلاثين امو بتزوجو ....
وابن الأربعين غير الله ما بزوجو ...
هههههههههههه حلوة كتير كاردو ..... سوري منك
منشول
امير حلب
امير حلب
12-12-2005, 10:35 PM
مرحبا للجميع ...
بيقول المتل ...
مال الجاز والحجاز الله بيبعتو
امير حلب
Cardo
13-12-2005, 01:43 AM
المتل بقول كمان الجاز قبل الحجاز ...
امير حلب
13-12-2005, 08:57 PM
مرحبا للجميع .....
الجار قبل الدار
امير حلب
Cardo
14-12-2005, 04:48 AM
بس كمان قالو :
كومة حجار ولا هيك جار http://smilies.sofrayt.com/fsc/pensive.gif
طبعاً هي بتنقال بالجار اللي مو منيح ...
امير حلب
14-12-2005, 07:31 AM
مرحبا للجميع ...
بيقول المتل ....
قروص لحمك متل ما بيوجعك بيوجع غيرك
امير حلب
Cardo
14-12-2005, 02:57 PM
وبقول المتل وبيشبهه
عض على اصبعتك متل ما بتوجعك بتوجع غيرك ...